Collaborative Communities
Cymorth i Gyrff
Mae Prosiect Cymunedau sy’n Cydeithio eisiau gweld ein trydydd sector ffyniannus yn tyfu o ran maint, capasiti ac ansawdd. Mae prosiectau blaenorol, arian a llawer iawn o waith caled gan unigolion a mudiadau wedi creu sector ffyniannus ac mae Cymunedau sy’n Cydeithio yn gweithio i atgyfnerthu hyn.
Mae arian yn mynd yn fwyfwy prin ac mae’r ffordd y mae gwasanaethau cyhoeddus yn cael eu darparu yn newid. Mae hyn yn cynnig cyfleoedd a bygythiadau i fudiadau trydydd sector.
“Roedd y gefnogaeth a gawsom yn amrhisiadwy o ran amcanestyniadau llif arian yn arbennig.
Fydden ni ddim wedi llwyddo heb hynny,”
Alison Turner, ysgrifennydd Haverfordwest Skate Association.
Sut ydyn ni’n darparu cefnogaeth?
Mae’r rhan fwyaf o gefnogaeth ar gael trwy gymorth un ac un gan swyddogion wedi’u hyfforddi yn y Cynghorau Gwirfoddol Sirol a’r Awdurdodau Lleol. Gall y swyddogion hyn eich arwain at fathau eraill o gefnogaeth fel gweithdai a chynadleddau.
Rydym hefyd yn trefnu gweithdai tasgau sy’n cynnig cyfle i ddysgu gwybodaeth a sgiliau newydd i’w defnyddio yn eich mudiad. Er enghraifft, gallwch ddysgu arfau datblygu busnes a’u defnyddio i ddatblygu strategaeth ariannu cynaliadwy, a gweithio gyda chydweithwyr i ddeall sut i fesur eich effaith gymdeithasol.
Pa gefnogaeth allwn ni gynnig?
Bydd ein swyddogion datblygu lleol yn cynnig cymorth mewn meysydd o bob math, megis:
- Datblygu cynlluniau busnes
- Dewis strwythurau cyfreithiol addas
- Mentrau cymdeithasol a masnachu – dibynnu llai ar grantiau
- Ymchwil marchnad a chynlluniau marchnata
- Llywodraethu
- Rheolaeth ariannol a chyllidebu
- Dewisiadau a strategaeth codi arian
- Cynaliadwyedd amgylcheddol
- Cyfleoedd cyfartal
- Bod yn barod i dendro a chaffael
- Mesur Effeithiau Cymdeithasol
- Rhannu, cydweithio a phartneriaeth
- Adnoddau dynol ac arferion cyflogaeth da
- A llawer mwy - dim ond gofyn sydd raid
